Ao chegar o mellor que se pode facer e repoñerse da viaxe nalgunha das cafeterias do casco histórico.
Logo unha visita guiada ao Casco histórico enlazada coa visita Muros, vila de auga e sal ocuparanos o resto da mañán.
E outra vez a repoñer forzas, para o que contamos en Muros con numerosos e variados restaurantes que nos deleitarán cuns menús ao gusto de cada quen.
Pola tarde, podemos achegarnos a Louro onde podemos elixir entre dúas posibilidades:
Visita a Louro onde podemos visitar o faro, a lagoa, a estación de petróglifos Laxe das Rodas e o Viacrucis que está nas inmediacións do convento.
Visita a Serres onde podemos visitar o Pozo do Cachón (muiño de mareas), a estación de petróglifos de Cova da Bruxa e a restaurada igrexa da Virxe do Camiño.
Outras posibilidades son acudir ás magníficas instalacións da piscina municipal.
Para rematar o día hai que ter en conta a programación da Casa da Cultura que conta con espectáculos de calidade de teatro e cine a prezos asequibles a todos os petos.
Outra opción é presenciar a descarga de peixe no peirao e oa subasta na lonxa.
Remataremos o día cunha boa cea e aloxándonos nalgún dos establecementos hosteleiros do concello (Muros, Louro ou Esteiro).
En función dos gustos de cada quen poderiase escoller entre estas tres opcións:
Roteiro de sendeirismo da Pedra do Cadro, recentemente resinalizado. Este é un roteiro que nos ocupa todo o día, sobre todo se o facemos ata a Braña.
Paseo pola ría a bordo dunha embarcación. Comida e aproveitar a saída de Muros para facer algunha paradiña nas parroquias de Torea, Abelleira, Tal ou Esteiro
Percorrido polas parroquias de Tal, Abelleira e Torea no que disfrutará de:
