Igrexa de San Pedro de Muros

A igrexa primitiva era de estilo románico, datada no século XII, pero dela só se conserva a portada principal. O edificio actual foi iniciado polo arcebispo de Santiago, Lope de Mendoza,  na primeira metade do século XV, pero a obra é rematada polo concello de Muros, tal e como figura nunha inscrición.

Esta igrexa convértese a principios do século XVI en colexiata, grazas aos Reis Católicos e ao Papa, motivo polo cal os veciños non pagaban os décimos á igrexa de Santiago.

Na actualidade, obsérvanse diversos estilos froito das remodelacións que sufriu ao longo do tempo. Así, aprécianse partes barrocas na torre e no pórtico, realizados no século XVIII grazas ao Gremio do Mar. Pero o estilo que predomina é o chamado gótico mariñeiro datado no século XV.

Menú